Најновиот модел на “Sovereign” јахтата има крајно луксузен дизајн, а верувале или не, доаѓа во пакет со лимузина која се сложува со нејзиниот изглед. За ова задоволство заинтересираните ќе мора да издвојат дури 132 милиони долари.
Оној кој има доволно пари да си го дозволи овој пловечки луксуз, освен автомобилот добива и мебел кој е дизајниран од модната куќа „Армани“, потоа базен и терен за голф.
Основачот на компанијата која ја дизајнирала јахтата изјавил дека се запрашале како луѓето кои ја купуваат јахтата ќе патуваат на копно, па затоа одлучиле да ја додадат и лимузината како би го добиле овој единствен концепт. На јахтата постоеле и стаклен хелиодром, приватно кино и ноќен клуб. Дизајнерите мислеле на се, па така јахтата содржела и џакузи, гаража и приватна просторија за состаноци. Бидејќи поседува и голема турбина, јахтата е снабдена и со електрична енергија.
