Љубовните писма кои Мик Џегер и ги пишувал на својата муза од шеесеттите години, пејачката Марша Хант, биле продадени на аукција за 300 илјади долари. Аукциската куќа Сотби соопштила дека анонимен купувач купил 10 писма на фронтменот на „Ролинг Стоунс“ преку телефон.
Хант е американска пејачка која послужила како инспирација за хитот на бендот од 1971 “Brown Sugar” и е мајка на првото дете на Мик Џегер. Писмата во кои се споменува се, од слетувањето на месечината, до Џон Ленон и Јоко Оно, биле напишани во 1969 година за време на снимањето на филмот „Нед Кели“. Експертот на Сотби Гебриел Хитон рекол дека писмата ја откриваат поетската страна на 25-годишен човек со широки интелектуални и уметнички интереси.
