Дербито во втората рунда од Лигата на Шампиони ќе се одигра на Алијанц стадионот во Торино, каде ќе се сретнат екипите на Јувентус и Барселона.
„Старата дама“ во пресрет на мега пресметката со Барселона се соочи со голем пех, откако првата виолина во составот Кристијано Роналдо не успеа на време да се опорави од коронавирусот. Тренерот на Јувентус, Андреа Пирло има и други главоболки бидејќи не може да смета ниту на Џорџо Киелини, Матијас де Лихт, а на повреда се жали и Ленардо Бонучи.
Кај Барселона здравствениот билтен е нешто подобар, односно главните играчи се на располагање. Единствено холандскиот стратег не може да смета на Жерард Пике кој во првата рунда доби директен црвен картон.
Јувентус и Барселона мечевите во фазата по групи ја отворија со триумф и на најдобар можен начин го најавија дербито. Мечот започнува во 21 часот.
- Двојки:
Група Е: Краснодар – Челси (18:55ч), Севиља – Рен (21ч)
Табела: Краснодар 1, Челси 1, Севиља 1, Рен 1
Група Ф: Борусија Дортмунд – Зенит (21ч), Клуб Бриж – Лацио (21ч)
Табела: Лацио 3, Клуб Бриж 3, Зенит 0, Борусија Дортмунд 0
Група Г: Ференцварош – Динамо Киев (21ч), Јувентус – Барселона (21ч)
Табела: Барселона 3, Јувентус 3, Динамо Киев 0, Ференцварош 0
Група Х: Башакшехир – ПСЖ (18:55ч), Мен Ју – Лајпциг
Табела: Мен Ју 3, Лајпциг 3, ПСЖ 0, Башакшехир 0
OhridNews
