Актуелниот македонски првак Вардар вечерва од 20.45 минути на стадионот “Филип Втори“ ќе ја пречека Стеауа во реванш мечот од второто квалификациско коло во Лигата
на шампиони.

По првиот меч “црвено-црните“ имаат негатива од три гола, со што нивната мисија практично е  невозможна. Но и покрај слабото издание во првиот меч капитенот Бојовиќ најави ново лице на македонскиот шампион.

– Во Букурешт заминавме за да направиме добар резултат пред реваншот, во
тоа не успеавме. За нас 0-3 не е добар резултат, Вардар не одигра на
свое ниво на тој натпревар,но и ние им
помогнавме за да го остварат тој резултат. Овој резултат е лош за нас,
но тој сеуште е активен резултат, задача на секој играч кој игра за
Вардар е се додека постои шанса да се борат и да се обидат, овој пат да
го сторат невозможното. Сепак и доколку не го направиме невозможното
оваа публика ќе знае да не награди доколку го дадеме максимумот“, рече капитенот на Вардар Раденко
Бојовиќ.