Македонскиот репрезентативец Горан Пандев доста веројатно ќе го пропушти утрешниот меч против Вердер во 2. коло од Лигата на шампионите.
Струмичанецот се повреди на мечот против Твенте во првото коло од елитната лига, кога на носилки го напушти теренот. Повредата не беше многу сериозна и тој во серија одигра три натпревари против Палермо, Бари и Рома, но на дербито во Рим повторно се пожали на болки и во 74. минута беше изваден од игра и веднаш му беа ставени облоги на повреденото колено.
Покрај Пандев, кај „нераѕурите“ неизвесен е и настапот на Диего Милито, кој истотака се жали на повреда.
Ohrid News
