ЛШ: Ливерпул гостува во Белград, дерби средби во Милано, Мадрид и Неапол

06.11.18 10:48

Дерби средбите помеѓу Интер – Барселона, Атлетико Мадрид – Борусија Дортмунд и Наполи – ПСЖ и гостувањето на Ливерпул во Белград ќе бидат во фокусот во вечерашните мечеви во рамките од четвртата рунда од фазата по групи во Лигата на Шампиони.

„Неро-азурите“ на домашен терен ќе бараат начин да се справат со разиграната Барселона. Каталонците полека влегуваат во ритам и покажуваат зошто се вбројуваат помеѓу потесните кандидати за освојување на титулата. Интер во првиот меч изгуби 2-0, а предноста на домашен терен и распродадениот стадион сигурно ќе биде поголема мотивација за поволен резултат.

Составот на Борусија Дортмунд е еден од ретките клубови кој може да се пофали со убедлива победа над Атлетико Мадрид. „Милионерите“ во Германија славеа со високи 4-0, а „јорганџиите“ се екипа која ретко заборава. Диего Симеоне ќе ги мотивира до небо своите играчи и лидерот во Бундес лигата ќе биде на вистински тест на Ванда Метрополитано стадионот.

Во Б групата четвртата рунда ќе даде некоја насока каде и како ќе се одвиваат работите. Црвена Ѕвезда во Белград го пречекува тимот на Ливерпул кој е лидер во групата. „Црвено белите“ во првиот меч на домашен терен ремизираа со Наполи 0-0, а се надеваат на нов поволен резултат. „Светците“ на гостувањето кај Наполи немаат премногу опции, бидејќи се наоѓаат на третата позиција и заостануваат во однос на „азурите“ и „црвените“. Францускиот шампион предводен од дузина ѕвезди во трите мечеви од првата етапа успеа да ја победи Ѕвезда, извлече реми на домашен терен со Наполи и претрпе пораз од Ливерпул.