Баварците имаат предност од 1-0 по првиот натпревар на Џузепе Меаца, и тоа благодарение на погодок на Марио Гомез во финишот на мечот. Луис ван Гал има проблем со стоперските места во одбраната, се очекува местата да ги пополнат Тимошчук и зимското засилување Луис Густаво, додека офанзивните задачи се резервирани за тандемот Робен – Рибери.
Интер на Алијанц Арената ќе игра не само за себе него и за честа на италијанскиот фудбал. Со евентуалната елиминација на Интер за прв пат од формирањето на Лигата на Шампиони, Италија ќе нема преставник во 1/4 финалето. Дополителен притисок врз плеќите на нероаѕурите ќе биде традицијата, која вели дека ниту еден шампион не успеал да го одббрани трофејот .
Во составот на Леонардо се очекува да има место и за македонскиот репрезентативец Горан Пандев, кој одигра одличен натпревар против Бреша но не успеа да се запише во листата на стрелци.
