Хрватскиот стратег на клупата од Металург, Лино Червар по завршувањето на мечот со Динамо Минск не се појави на вообичаената прескорефенција. Место него, тој таму го упати неговиот асистент Александар Петровски.
– Ние сме на чекор од историјата во македонскиот ракомет. Но, не се залетуваме иако одигравме перфектна партија во Минск. Овој пат голема пофалба заслужи нападот, кој постигнуваше голови од секоја позиција, а одбраната беше на посакуваното ниво – истакна Петровски.
Пивотменот на Металург, Младен Ракчевиќ со седум погодоци беше втор стрелец, а најефиксен со девет голови беше Наумче Мојсоски.
– Одигравме фантастичен натпревар во Минск. Ваквата игра треба да ја потврдиме во Скопје пред нашите гледачи и заедно да го прославиме историскиот успех – потенцираше Ракчевиќ.
Реванш натпреварот во Скопје се игра на 23 март, а Белорускиот преставник во ЛШ, Динамо Минск во “Борис Трајковски“ го очекува френетечни 6 000 навивачи.
Мх.П.
