Со натпревартите Милан – Манчестер Јунајтед и Лион – Реал Мадрид вечерва по два месеци пауза ќе продолжи Лигата на Шампиони во фудбал. Натпреварот на Сан Сиро “дерби во осмина финалео со огледот на тоа што се среќаваат клубови кои во последниве 11 години, четири пати, се искачија на европскиот трон.Во фокусот на вниманието ќе биде играчот од средниот ред на Милан Дејвид Бекам кој во дресот на “црвените ѓаволи“ во 1999 година ја освои Европа. Кај Милан, неизвесен е настапот на Бориело, додека Пато се враќа во тимот.
Во тимот на Алекс Фергусон има многу повредени играчи, а листата на оние кои нема да може да се играат во Сан Сиро ја предводи српскиот интернационалец Немања ВидиЌ.
Милан и Манчестер Јунајтед последен пат се сретнаа 2007 во полуфиналето од Лигата на Шампионите, тогаш Милан славеше со 3-0 а потоа во финалето го победи Ливерпул со 2-0 и ја освои титулата.
Во вториот вечерашен дуел ќе играат Лион и деветкратниот освојувач Реал Мадрид.На Жерлан се враќа миленикот Карим Бензема, но во противнички дрес.Реал осетно се засили летото и со доведувањето на Кака, Роналдо, Алонсо и Арбелоа очекува да се врати на врвот на Европа.
Во другите натпревари, во осмо-финалето играат: Баерн – Фиорентина, Порто – Арсенал (среда), Штутгарт – Барселона, Олимпијакос – Бордо (23 февруари), ЦСКА Москва – Севиља и Интер – Челзи (24 февруари).
М.П.
