Македонскиот ракометен првак Металург во друштво со германски Кил, хрватски Загреб, шпански Лариоха како и квалификантот од турнирот 1 (Мешков, Војводина, Татран или Таргош Бево) од А групата ќе го започне овогодинешниот европски поход. Целта на Металург е да го потврди реномето кое го ужива во Европа, но и да направи чекор напред во освојувањето на Европа. Во групата се атракативни противници, а единствена непознаница за тимовите во А групата е шпанската Лариоха, тим кој по втор пат игра во Лигата на Шампиони.
– Освен Ла Риоха, сите се познати противници. Кого добро ќе се погледне групата тоа е половина од Сеха Лигата, Металург, Загреб па и кој и да помине како квалификант а секако очекувам Брест или Татран да се најдат во нашата група. Со Кил и ПСЖ игравме лани, а единствен противник кој е енигма, ако може да се каже дека во денешниот европски ракомет постои такво нешто, тоа е шпанскиот состав. Групата е добра и атрактивна, и му овозможува на Металург да го продолжи континуитетот со пласман во елиминациската фаза од Лигата на Шампиони, како што го прави тоа во последните три години. Сме и мислам дека треба да бидеме задоволни од ждрепката во Виена. – истакна Зоран Цветаноски преставникот на РК. Металург во Виена.
Хрватски Загреб е тимот кој е добар познаник на Металург. Нивните пресметки дали во ЛШ или во Сеха лигата секогаш биле магнет за гледачите. Целта на тимот од хрватската престолнина е да е мине групата и да се собере потребното искуство со играњето на мечеви на вака високо ниво.
– Ова година ЛШ е доста силна, што едноставно нема слаби противници. Сите групи се силни и атрактивни, а таква е и нашата група каде очекувам доста интересни натпревари. Познати ни се тимовите на Кил, Металург, ПСЖ мала непознаница е Лариоха и тоа е она што помалку ме плаши, но среќен сум што повторно ќе имаме силни и квалитетни натпревари, можда и најквалитетни во последните неколку години. Цел на клубот е да се помине групата. Остануваме на истиот пат кој клубот го зацрта во послените неколку години, исклучително со сопствени сили, со ракометари од домашниот погон да се преставиме во Европа. Една сезона е зад нас и година дена сме поискусни и мислиме дека имаме сила да ја поминеме групата, нешто што лани не ни успеа – потенцираше Анте Анчич, преставникот Загреб.
Само еден натпревар годинава во Скопје и тоа е доволно, вели низ сме Бруно Мартини кој со ПСЖ ќе гостува на Металург во арената “Борис Трајковски“. “ Знаме како е да се игра таму, во тој амбиент, но ние се радуваме што има места каде така се поздравува и се живее за ракоемтот. Нема ништо подобро од играњето пред полни трибини и таква атмосфера. Кил е фаворит во групата, мислам дека Металург и ние ќе се бориме за висок пласман, конкуренцијата е силна. Немаме многу информации за шпанскиот преставник но знаеме добро за традицијата на шпанскиот ракомет, кога на тоа ќе се додаде и ривалитетот меѓу овие две земји ќе биде уште пожешко. Квалитетот секоја година е на се повисоко ниво, така што очекувам интересни натпревари. Целта на ПСЖ останува иста, да победи на секој натпревар – заврши Мартини.
Од таборот на Кил, актуелниот вице-првак се задоволни од ждрепката и среќни што ќе можат повторно да играат во прекрасниот амбиент во арената “Борис Трајковски“.
– Ние сме задоволни, имаме одлична соработка со Металург, ќе биде одлично да се биде во арената, па да задоволни сме. Имаме силна група, со силни тимови со супер звезди што секако добро за навивачите за спонзорите за сите инволвирани во ракометот. За нас беше голем успех што се пласиравме во финалето, нормално секој посакува да победи во него, но ние сме задоволни од постигнатиот успех. Претходно ја освоивме и Бундеслигата, нешто што многумина не го очекуваа, па така може слободно да кажам дека минатата сезона беше успешна за нашиот клуб – рече Сабине Холдорф-Шуст, преставникот на “зебрите“ на ждрепката во Виена.
Составот на Лариоха е непознаница за многумина во ракометна Европа. Тие по втор пат ќе играат во елитното друштов. За преставникот на Лариоха мечевите со Металург ќе бидат мало дерби.
– За нас ова е второ учество во Лигата на Шампиони, и за нас е добро што сме тука. Кил, Металург и ПСЖ се во моментов за нас класа подобри тимови и поквалитени од нас, но ние ќе се обидеме да направиме се што е во наша моќ во што подобро светло да се покажеме во Лигата. Против Металург ќе биде супер можност да се посети Скопје и да се видам со мојот брат Раул Гонзалес кој седи на клупата на скопски Вардар, очекувам да биде мало дерби на кое ќе имам помош од Раул – рече Хаиме Луиз Гонзалес, преставникот на шпанскиот тим.
Натпреварите во Лигата на Шампиони ЛШ почнуват од 24 до 28 септември додека фајналфорот е на 30 и 31 мај 2015 година.
Од Виена, Мирко Постоловски
