Еден канадски ловец закрепнува од напад на гризли за време на лов, кога покрај тоа и бил застрелан од колега ловец кој се обидувал да го спаси. Тоа се случило во неделата утрото во Британска Колумбија, на крајниот запад на Канада, каде живее барем еден гризли на секои два квадратни километри. Двајцата ловци наишле на мажјакот гризли кој веднаш го нападнал едниот од нив.
Другиот ловец тогаш отворил оган убивајќи ја мечката и ранувајќи го својот сопатник. Ранетиот ловец има тешки повреди од канџите на мечката. Тој со хеликотпер веднаш бил превезен во најблиската болница каде неговата состојба била оценета како стабилна. Ловочуварската служба води истрага да се провери дали ловците допринеле за оваа несреќа.
