Агенцијата за развој на туризмот ќе иницира формирање на Локален туристички совет во Охрид кој ќе има за цел решавање на проблемите во оваа сфера директно од најзасегнатите чинители во заедницата.-Да се донесат странски туристи треба голем напор, а да се избркаат е лесно. Формирањето на едно вакво тело ќе има за цел да ги решава проблемите во туризмот на локално ниво, вели директорот на Агенцијата за развој на туризмот.
Еден од проблемите со кои често се соoчува Охрид е покачувањето на цените, што според Стрезоски е прашање кое исклучиво може да се регулира пазарно.
– Со зголемување на бројот на странските туристи поготово во Охрид не само одредени хотелиери, туку и рестораните, превозниците, ќе ги покачат цените на услугите. Во услови на пазарна економија ние можеме само да ја зголемиме конкуренцијата, и се надевам дека продажба на државното земјиште за изградба на хотели ќе вроди со плод, бидејќи конкуренцијата ќе ги намали цените и ќе го зголеми квалитетот на услугите, смета Стрезоски.
Ohridnews
