Лизгање на земјиштето во Вевчани

Вчеравечер е забележано лизгање на земјиште на потегот од игралиштето кон Здравствениот дом во општина Вевчани.

Од центарот за упавување со кризи информираат дека одронот бил со ширина од 150 до 200 метри, а висина од околу 2 метра. Стотина жители на Вевчани преземале мерки за заштита на просторот, а вклучена е и машина за расчистување на надојдениот материјал. Забележано е движење на голема количина на вода, кал, камења и друг материјал.

Со наносите се загрозени два станбени објекта, а постои опасност од загрозување и на Здравствениот дом. Регионалниот центар за управување со кризи од Струга ги извести службите во подрачната единица на Дирекцијата за заштита и спасување во Струга за навремено преземање соодветни мерки за справување со состојбата.