Кошаркарите на АВ Охрид натпреварите во Првата лига ќе ги продолжат со дуелот против МЗТ Скопје, кој на програмата е денеска со почеток во 18 часот во СРЦ „Јане Сандански“.

„Галебите“ во првата полусезона на домашен терен за влакно не стигнаа до позитивен резултат со „штрковите“, но покажаа дека можат да се носат и надигруваат со фаворитите. Со иста задача и цел охриѓани патуваат на денешното гостување кое ќе ја заокружи 16-та рунда во македонската кошаркарска елита.

Натпреварот започнува во 18 часот, а директен пренос љубителите на кошарката ќе можат да проследат на следниов линк.

Охриѓани со скор 3-10 се наоаѓаат на 9-та позиција на табелата, додека МЗТ Скопје со ефект 12-2 е третопласиран во Првата лига.

OhridNews