Македонската кошаркарска репрезентација ја совлада Литванија со 78-74 во пријателскиот меч одигран во Клаипеда
Полека малата Македонија станува ноќна мора за големата Литванија. Македонискиот состав во кој недостигаа четврица стартери (Антиќ, Мекејлеб, Гечевски и Илиевски) го предводеше Војдан Стојаноски кој мечот го заврши со 23 поени, од кои 12 во последната четвртина.
Самарџиски реализира 19, Александар Костовски беше стрелец на 11 поени, додека останатите поени ги постигнаа Дамјан Стојановски (8 поени), Дарко Соколов (7 поени), Кирил Николовски (4), и Ѓорѓи Чековски и Марко Симоновски, кои реализираа по два поени.
Македонските репрезентативци утре се враќаат во Македонија, а во вторник ќе имаат отворен тренинг за сите македонски фанови.
Ohridnews
