Една од најконтраверзните ѕвезди на денешницата, 25-годишната актерка Линдзи Лохан, се фотографирала за Плејбој. Иако за насловната на популарното списание најавувала разголени фотографии, сепак тие биле поприлично пристојни. Актерката седела на стол, кој имал потпирач во форма на зајачки уши, со кои биле прекриени нејзините облини.
Косата и била распуштена, усните нагласени со црвен кармин, а на нозете имала црни чевли со висока потпетица. Линдзи Лохан за насловната наводно добила висок хонорар, а фотографиите за прв пат би требало да се појават на 15 декември. Тие биле снимани два пати, бидејќи првата верзија не го задоволила газдата на Плејбој, Хју Хефнер.
