– Дерби пресметката во Втората МФЛ посакуваме да биде празник за фудбалот. ние во неа ќе влеземе со доста измнет состав поради повредите и суспендираните играчи, но убеден сум дека имаме доволно сили да го добиеме овај натпревар – вели стратегот на белите, Зоран Ѓорески – Џајо во пресрет на мечот со Миравци попладнево на стадионот на Караорман во Струга.Ѓорески потенцираше дека лидерот Миравци е екипа која подолго време игра задено, дека се доста уиграни, но очекува неговите избраници да извлечат позитивен резултат. – Имаме доста добар потенцијал и овај меч ќе биде убава прилика младите фудбалери да го покажат својот раскош и талент. Очекувам да го издржат притисокот и да го понесат товарот во оваа дерби пресметка – истакна Ѓорески.
Покрај отсувото на суспендираните Велевски, Д.Клечароски, ќе недостига Нически кој со три гола е прв стрелец на тимот, поради повреда за место во тимот нема да конкурира Џалески, а со намален интензитет деновиве тренираше и капитенот И.Клечкароски , дополнителен хендикеп за “рибарите“ ќе биде неиграњето на Билјанини Извори во Охрид.
М.П.
