Македонскиот футсал шампион, КМФ Железарец забележа убедлива победа од 15-3 во второто коло на квалификацискиот турнир од УЕФА футсал купот што се игра во Македонија.
Избраниците на тренерот Васко Скендеровски прикажаа одлична игра против турскиот првак Истанбул и ја забележаа најубедливата меѓународна победа во историјата на клубот.
Најефикасен во нашиот тим беше Ранготов со 5 погодоци, додека Мартин Тодоровски постигна 3.
Во втората средба од групата Ајднховен очекувано го совлада тимот на Екцес Биднија со 8-2.
Поради подобрата гол разлика Железарец е прв во групата пред последното коло в недела кога игра против директниот ривал Ајднховен и за пласман во следната рунда му е доволен и нерешен резултат.
3. коло недела СРЦ Кале:
18.00 Екцес Биднија – Истанбул
20.30 Ајднховен-КМФ Железарец
