Радомир Антиќ, селекторот на Србија, фаворитската улога и ја пропушта на Германија, но верува во потенцијалите на својот тим.

– Петмина од моите фудбалери играат во Бундес лигата и поради тоа многу добро го познаваме германскиот фудбал. Групата е многу интересна бидејќи во неа се сретнуваат тимови од четири различни фудбалски култури–  смета Антиќ.

Селекторот на Германија, Јоаким Лев, призна дека имаат навистина интересна група и подели комплименти за сите свои противници во групата.

– Ни се падна многу интересна група. Имаме играно со Австралија, не многу одамна во Купот на Конфедерации. Тоа ќе биде многу важен натпревар за нас, првиот со кој ќе го отвориме СП. Имам голем респект за Србија. Тие ја победија Франција во квалификациите и многу лесно се пласираа на СП. Имааат многу квалитетни фудбалери и навистина се многу силен состав. Инаку воопшто не ја сметам Гана за аутсајдер. Тие имаат многу силен тим. – истакна Лев.

Во групата Д покрај Германија и Србија кој се први фаворити за пласман во елиминациската фаза уште учествуваат и селекциите на Австралија и Гана.

Во првото коло се среќаваат : Германија – Австралија, Србија – Гана.

ohridnews