Со одлука на министерската за култура, Елизабета Канческа Милевска, за претседател на Управниот одбор на фестивалот „Охридско лето“ е назначен охриѓанецот Зоран Велјаноски – Летра.

Летра доаѓа на местото на досегашниот претседател на Управниот одбор Зоран Џорлев, кој како што дознаваме вчера поднел оставка од лични причини.

Мандатот на Летра ќе биде верификуван на конститутивната седница на новиот Управен одбор на фестивалот „Охридско лето“ што се одржува денеска во Скопје.

OhridNews