Летна ликовна школа во рамки на меѓународната колонијата „Вевчански видувања“

Во рамки на Меѓународната ликовна колонија „Вевчански видувања“, од оваа година, во просторот на ресторанот „Виа Игнација“, во периодот од 27 јуни до 4 јули ќе се одржи Првата летна детска ликовна школа.

На оваа манифестација младите ликовни таленти ќе можат да ја изразат својата креативност и истовремено да ги развијат своите уметнички вештини, велат организаторите на колонијата.

Летната школа ќе ја води реномираната академска уметница Лара Ташковска, сликар од Ателјето за сликање и цртање, од каде излегуваат голем број на таленти. Учеството ќе биде бесплатно, а организаторите ќе ги обезбедат сите потребни материјали и услови за творење и учење надецата. – информираат од Меѓународната ликовна колонија „Вевчански видувања“.

Учесниците ќе бидат поделени во неколку групи во зависност од возраста, а дневно ќе имаат по два школски часа во времетраење од 90 минути. По завршувањето на Колонијата, организацискиот одбор на Ликовната колонија ќе ги награди првите три најдобри дела, а сите учесници ќе добијат сертификат за успешно завршена летна школа.

Делата ќе бидат изложени и промовирани во галерискиот простор на Мултикултурниот центар „Коста Србакоски” во текот на летото.

Пријавѕвање и дополнителни информации на +389 70 351 835 или на следниот ЛИНК, најдоцна до 15јуни.

OhridNews