Иако се зборуваше дека ја заведе манекенката Челзи Вајмарс, изгледа дека Леонардо ди Каприо не може да и одолее на славата пејачка Ријана. За нивната љубов долго се шпекулира во медиумите, а иако секој пат негираа дека се во врска, сега повторно се уловени заедно. Тие двајца уживаа на популарниот фестивал Коацела, а со оглед на тоа дека обајцата се добро познати обожаватели на лудите забави, нема сомнение дека сјајно се забавувале.
Папараците го уловија Лео како нешто и шепоти на пејачката на уво, а таа на тоа задоволно се насмевна. Пред само неколку месеци актерот и Ријана се видени заедно во еден клуб во Париз, а минатата година го минаа заедно и Денот на вљубените. Во меѓувреме, обајцата се гледаат со други луѓе, но некако секогаш се враќаат еден на друг.
