Конрад Мареј бил прогласен за виновен за смртта на поп пејачот Мајкл Џексон, а судијата одлучил да му даде максимална казна од четири години затвор. Адвокатите на осудениот лекар барале да биде осуден на условна казна, а по изрекувањето на пресудата веднаш вложиле жалба. Обвинителството било задоволно со одлуката на судот, но барало дополнителни 70 милиони долари оштета наменета за децата на Мајкл.
Судијата по изрекувањето на пресудата изјавил дека оној кој објективно ќе ја согледа ситуацијата ќе дојде до заклучок дека Конрад го напуштил својот пациент и тоа било срамно за неговата професија. Мајката на лекарот пред изрекувањето на пресудата го молела судијата да го осуди на општокорисна работа и да биде благ кон нејзиниот син, бидејќи немал никакви пролеми со законот до сега и дека бил тажен поради смртта на својот пријател.
