Светската музичка ѕвезда Лејди Гага повторно го шокирала светот. Иако провокативната облека и провокативните пози за неа никогаш не биле нешто ново, овој пат се соблекла до гола кожа. Славната Ени Лебовиц ја имала таа чест прва целосно да ја разголи пејачката за јануарското издание на модното списание „Vanity Fair USA“.
Освен фотографирањето без облека, Гага во интервју за списанието проговорила за својот љубовен живот, но и за плановите на музичката сцена. Поп иконата признала дека нема среќа со мажите, но и дека нејзините љубовници никогаш не ја ценеле доволно. Таа открила и дека нејзиното поранешно момче, кое подоцна и ја запросило, во една прилика е рекло дека ќе умре сама во голема куќа со сите пари кои ќе ги заработи и со снимените албуми.
