Лејди Гага и Брус Спрингстин биле гости на последниот концерт кој „Ролингстоунс“ го одржале на славеничката мини турнеја во САД, и тоа во Њу Џерси, а публиката била воодушевена од спектаклот кој го приредиле. Мик Џегер и екипата ја повикале Лејди Гага да биде нивни специјален гостин на последниот концерт. По обичај, таа избрала впечатлив стајлинг. На сцената се појавила во пругаста комбинација, со предолга руса перика и превисоки потпетици.
Меѓутоа, тоа не ја намалила реакцијата на публиката која го следела легендарниот бенд и младата пејачка додека го изведувале хитот “Gimme Shelter”. Потоа на сцената излегол и Брус Спрингстин кого публиката го поздравила со громогласен аплауз и кој со бендот извел неколку големи хитови. Публиката била привилегирана за вонсериско шоу бидејќи на својот последен концерт Ролингстоунс ги повикале и Џон Маер и “Black Keys”.
