Со цена од 15.000 денари, моделот ќе се најде во продавниците. Се смета дека е толку комплициран што не се препорачува за помлади од 14 години. Кога ќе се состави, моделот е широк 90 сантиметри а висок 60 сантиметри. Има 800 коцки повеќе од досегашниот најголем модел на „Star Wars Millennium Falcon“. Портпаролката на компанијата Лего, Џени Барун, рекла дека е дизајниран само за искусни ентузијасти.
„Ќе претставува искушение за голем број обожаватели на Лего. Но, многу е забавен“ – рекла Џени.
Оригиналниот Таџ Махал, во северна Индија е изграден во 17-ти век во чест на сопругата на императорот. Во изградбата на храмот учествувале 20.000 работници за период од 22 години. За среќа на градежниците на Лего коцките нема да им биде потребно толку време за да направат верна реплика. Се предвидува дека се потребни 40 часа да се комплетира храмот заедно со неговите куполи, минариња и скалила.
