Легендарниот Австралиски диџеј и продуцент Dr. Packer направи ремикс на песната од Владимир Четкар „Time Goes By“ која беше издадена на вториот студиски албум на македонскиот музички артист (гитарист, вокалист, композитор, аранжер, продуцент и изведувач).
Овој ремикс наредните недела дена ќе биде во ексклузивна продажба на „Traxsource“ а потоа ќе се најде во продажба на сите дигитални музички платформи. Ремиксот може да се слушне и спушти на следниот линк.
Авторската музика на Четкар отсекогаш била мета на интерес на светски познати диџеи и продуценти меѓу кој и легендарниот Димитри Фром Париз кој во минатото направи ремикс на песната „Heavenly“.
Во наредниот перод следуваат повеќе ремикс изданија на музиката на Четкар ширум светот од повеќе познати имиња и музички куќи што е навистина уникатен и редок успех за еден комплетен музички автор и изведувач од Македонија и Балканот.
Моментално Четкар е во САД каде што го снима новиот студиски албум и истовремено е на концертна турнеја.
Наредните концерти ќе ги одржи во Њујорк на 15 декември во „Chelsea Table and Stage“, Кливленд на 12 Јануари во „Bop Stop“, Колумбус на 13 Јануари во „Natalie’s Grandview“, Сан Франциско на 24 Јануари во „Black Cat Jazz Club“ и Детроит на 27 Јануари во „Aretha Jazz Cafe at the Music Hall“.
OhridNews
