На крајот од кејот, кај локвањот во трските се вгнездил пар лебеди. Невообичаено е овие прекрасни птици да градат гнезда на така фреквентни места, кои за жал се преполни и со најразличен пластичен отпад кој завршил во езерото.

Додека бевме во близина женката лебед не го напушташе гнездото па не можевме да забележиме што чува. Мажјакот пак љубоморно чуваше стража пред гнездото.

Охриѓани ги сакаат и чуваат лебедите, но грдата слика околу нивното гнездо кое е природно живеалиште  и на обновениот локвањ е уште една опомена до сите нас како не треба да се однесуваме кон природниот бисер – Охридското Езеро.

Ohridnews
Васко Бујароски