Фудбалерите на Црвена Ѕвезда со пораз ги започнаа натпреварите во фазата по групи во Лигата на Европа. „Црвено белите“ изгубија на гостувањето во Германија кај тимот на Хофенхајм со 2-0.

Хофенхајм отпорот на Црнве Ѕвезда го скрши во 64-та минута кога поведе со 1-0. Стрелец на голот беше Кристоф Баумгартнер. Конечните 2-0 ги постави Мунас Дабур во судиското продолжение.

Триумф во првата рунда забележа и Милан кој со 1-3 го совлада Селтик на „Селтик Парк“. „Росонерите“ одиграа добро прво полувреме во кое постигнаа два погодоци. Прецизни беа Раде Круниќ и Брахим Дијаз. Селтик намали во 74-та минута преку Елјунуси, а печат на победа на Милан стави Јанс Питер Хауге.

Резултати:

Група А: ЦСКА Софија – Клуж 0-2, Јанг Бојс – Рома 1-2

Група Б: Дундалк – Молде 1-2, Рапид Виена – Арсенал 1-2

Група Ц: Баер Леверкузен – Ница 6-2, Хапоел Бер Шева – Славија Прага 3-1

Група Д: Лех Позњан – Бенфика 2-4, Стандард Лиеж – Глазгов Ренџерс 0-2

Група Е: Паок – Омонија 1-1, ПСВ Ајндховен – Гранада 1-2

Група Ф: Ријека – Реал Сосиедад 0-1, Наполи – АЗ Алкмар 0-1

Група Г: Лестер – Зорија 3-0, Брага – АЕК 3-0

Група Х: Селтик – Милан 1-3, Спарта Прага – Лил 1-4

Група И: Макаби Тел Авив – Карабах 1-0, Виљареал – Сиваспорт 5-3

Група Ј: Лудогорец – Ројал Антверпен 1-2, Тотенхем – Ласк 3-0

Група К: Динамо Загреб – Феенорд 0-0, Волфсбергер – ЦСКА Москва 1-1

Група Л: Хофенхајм – Црвена Ѕвезда 2-0, Слован Либерец – Гент 1-0

OhridNews