Хрватскиот клуб Динамо Загреб приреди големо изненадување во 1/8 финалето од Лигата на Европа, елиминирајќи го англискиот премиерлигаш Тотенхем со вкупен резултат 3-2.
„Модрите“ на крилата од Мислав Орсиќ во регуларниот дел од реванш натпреварот ја анулираа предноста на гостите, победувајќи со 2-0. Одлуката за победникот падна во дополнителните 30 минути. Херој беше Орсиќ, кој со третиот погодок во мрежата на Тотенхем донесе победа од сензационални размери за Динамо Загреб.
Мега пресметката во 1/8 финалето во Лигата на Европа помеѓу Милан и Манчестер Јунајтед му припадна на англискиот состав, кој пласман во топ 8 обезбеди со вкупен резултат 1-2. Човек на одлука на „Сан Сиро“ и на двомечот беше Пол Погба. Французинот погоди во 49-та минута, само четири миниту што влезе во игра. „Росонерите“ нападнаа, но не успеаја да постигнат погодок со кој ќе осигураа продолженија.
- Резултати:
Арсенал – Олимпијакос 0-1 (3-1)
Динамо Загреб – Тотенхем 3-0 (0-2)
Молде – Гранада 2-1 (0-2)
Шахтјор Доњецк – Рома 1-2 (0-3)
Милан – Манчестер Јунајтед 0-1 (1-1)
Глазгов Ренџерс – Славија Прага 0-2 (1-1)
Виљареал – Динамо Киев 2-0 (2-0)
Јанг Бојс – Ајакс 0-2 (0-3)
Во заградите се резултатите од првите натпревари.
OhridNews
