Битолчанецот Наум Љамчески е новиот шеф на стручниот штаб во ФК Охрид 2004. Во Охрид доаѓа на месец дена пред стартот на првенството и ќе има доста време да се запознае со играчите и да направи екипа по свој вкус. За „Оhridnews“ открива какви се неговите очекувања во наредната сезона.– Охрид е млада екипа и ние се’ уште сме во фаза на формирање на тимот. Костурот на тимот е оформен но ќе има уште неколку ротации ни фалат уште неколку играчи за Охрид`04 да биде конкурентен во Втората лига – вели Љамчески.
Две години по ред Охрид `04, имаше одличен старт, но по периодот топло ладно мораше да се задоволи со опстанокот во второлигашкото друштво. Љамчески стои цврсто на земја и како што вели дојден е во Охрид да направи стабилен второлигаш.
– Дојдов во Охрид да работам да створиме добра база, клубот мора да се органзира на повисоко ниво, наше е да работиме и ако се укаже прилика ќе се замешаме во врвот, но примарна цел е да створиме стабилен второлигаш. Треба да бидеме реални, за повисок ранг мора прво клубот организацики да се издигне да биде се беспрекорно. Задоволен сум од управата која макотрпно работи на афирмација на клубот – завршува Љамчески.
Досега во подготвителниот период Охрид 2004 претпре два порази од Пелистер, со 1-0 и 5-3, беше поразен и од Македонија (Враништа) со 3-2, а без голови одигра против Новаци 0-0.
М.П.
