Рестартот на германската Бундес лига ги окуражи останатите национални федерации каде не се прекинати првенствата да разговараат и да донесат некои одлуки за продолжување на сезоната.
Една од лигите која излезе со конкретен план е шпанската Примера. Челниците креираа пеколен план за доигрување на сезоната, а здружението на клубовите го одобри.
Ла лига го одреди 12 јуни како датум за почеток. Во текот на една седмица ќе се играат по две рунди од лигата, а екипите имаат право да играат натпревар на секои 72 часа. Според планот, натпревар ќе има секој ден до 29 јули кога е крајниот рок за завршување на сезоната.
До крајот на сезоната во Шпанија останаа уште 11 рунди. Актуелен лидер по 27 натпревари е Барселона, која има два бода повеќе од лутиот ривал Реал Мадрид.
OhridNews
