Кутии ги преплавија контејнерите

Продолжува непочитувањето на комуналниот ред во Охрид, се жалат од јавното претпријатие „Охридски Комуналец“. Граѓаните и туристите сметот го изнесуваат кога сакаат и како сакаат, а неретко во контејнерите се одлага и несоодветен отпад. Како пример од „Комуналец“ ја посочуваат ул „Македонски просветители“ каде контејнерите деновиве беа покриени со картонски кутии. Со тоа граѓаните и правните лица кои живеат и егзистираат во овој дел од градот, беа спречени да го депонираат комуналниот отпад, велат од „Комуналец“. Ништо подобра не е состојбата и во други делови на градот, каде сметот наместо во предвидените термини несоодветно спакуван се остава сред бел ден со што се создава непријатна слика, посочуваат од „Комуналец“.