Јуниорската кошаркарска репрезентација на Македонија, со победата над
Финска со 68-62 избори пласман во четвртфиналето на Европското првенство
(Б дивизија) кое се одржува во Струмица.

„Голема победа, многу важна за овие момци и за продолжението на
првенството. Конечно имавме добар напаѓачки ден, погодивме некои важни
шутеви и заедно со добрата одбрана, која практично ја играме и на секој
натпревар, сметам дека ја заслуживме победата. Ја остваривме нашата прва
цел, сега следува четвртфиналната група каде не очекуваат два нови
навистина силни противници, сепак мислам дека овој триумф ќе има големо
влијание и на унапредување на нашата игра. Јас верувам во мојата екипа и
немаме намера да запреме тука“ вели селекторот на
репрезентацијата Мирза Куртовиќ.

Македонските јуниори во следната рунда за противници ќе ги имаат
селекциите на Холандија и Естонија, натпреварите ќе се играат во среда и
во четврток, во терминот од 18.45 часот.

ohridnews