-Преговорите со сопственикот на ски-лифтот завршија успешно и договорена е купопродажбата.-информираат од месната заедница.
Ски-лифтот е во должина од 700м. Сега следува фаза на негово демонтирање и транспорт за Македонија, а тоа најмногу ќе зависи од временските услови, бидејќи швајцарските алпи се веќе под снег.
Се размислува и за поставување на ски-лифтот, а во опција се три локации во Куратица.
– Сега останува да се обезбеди машината за тапкање снег (ратрак), а се разгледуваат можности и за набавка на 2 машини за вештачки снег.-велат од М.З. Куратица.
Со договорот за купување на ски-лифт, конечно реално се отвора можност Куратица да прерасне во зимски центар што ќе придонесе за развој на руралниот туризам во селото, од што корист секако ќе има и Охрид.
