Во рамки на 1 коло од Купот на Македонија, ГРК Охрид денеска (сабота), дома ја пречекува екипата на Младост 1977 од Богданци.
Натпреварот се игра во салата „Билјанини извори“ со почеток во 17:30 часот, а влезот е слободен, информира клубот.
Пред мечот во домашната екипа владее оптимизам, а играчите очекуваат победа.
Младост е добра екипа. Го респектираме противникот и во натпреварот ќе влеземе сконцентрирани и мотивирани, со цел да извојуваме победа. – беше истакнато на прес конференцијата на ГРК Охрид пред натпреварот со Младост.
