Со мечот меѓу актерите од минатогодишното финале Металург и Зомимак ќе започне 22-то издание на Купот во Македонија.
До петтата титула од второто по ранг натпреварување во македонскиот ракомет минатата сезона „металурзите“ стигнаа преку Зомимак, кој го совладаа со 26-22 во финалето.
Сега овие два тима ќе се сретнат во првиот полуфинален натпревар (15 часот) со кој ќе започне ракометниот викенд во Охрид.
Во второто полуфинале кое е закажано за 17:45 часот ќе се сретнат екипите на Вардар и Тинекс Пролет.
Победниците од двата полуфинални дуели во големото финале ќе се сретнат в недела со почеток во 17:45 часот.
Мх.П.
