КУД „Дримкол” од Вевчани овие денови ја претставува нашата земја на 20-тата Смотра на фолклорот во Задар, Р. Хрватска во организација на Музејот за заштита на споменици на град Задар и на Туристичката организација на Задар, а со своја изворна и автентична програма синоќа се претстави пред хрватската публика во рамки на официјалната програма на големата летна сцена, а денеска со едночасовна програма ,,Дримкол” ја претстави Вевчанската и Македонска фолклорна традиција на плоштадот во Задар.
Се претставивме со традиционални изворни ора и песни од Вевчани и од нашиот регион презентирајќи ја во целост нашата народната култура вевчанската носија, инструменти, песни. Се потрудивме тоа да биде најдостоинствено како што му прилега на Дримкол, на Вевчани и на Македонија и сето тоа навистина се ни се исплати слушајќи ги високите критики за нашето претставување на еминентнити професори од Етнолошкиот факултет и други релевантни институции од оваа област, синоќа на тркалезната маса која се одржа на крај од програмата, изјави Кирил Бебекоски од раководството на Дримкол кој ја предводи групата во Хрватска.
Со ова гостување КУД ,,Дримкол” од Вевчани само уште еднаш се потврдува како достоен чувар на македонското културно наследство.
OhridNews
