Под мотото „Сакаш да спасиш нечиј живот? Дојди и дарувај крв“, денеска и утре се организира крводарителска акција. Крв ќе се дарува во основното училиште „Св.Климент Охридски“ – Охрид, денеска во 19:00 часот и утре понеделник од 9:00- 13:00.
Зголемената потреба од крв и крвни продукти во овој период нека биде мотив за сите хумани наши сограѓани и гости да ја искажат својата хуманост дарувајќи крв на оваа традиционална крводарителска акција, велат од Црвен крст Охрид.
Дарувањето крв на оваа крводарителската акција ќе се одвива според сите потребни протоколи и мерки за заштита од Ковид-19.
ОhridNews
