Секторот за внатрешни работи Охрид, против лицата Р.П. (23), Р.П. (22) и Б.П.(23) сите од Охрид,  поднесе кривична пријава, поради основано сомнение дека се сторители  на  кривичните  дела ,, Неовластено производство и пуштање во промет наркотични дроги, психотропни супстанции и прекурсори“.  Кривичната пријава за второпријавениот се однесува и за кривичното дело ,,Овозможување на употреба на наркотични дроги“.

На ден 13.08.2009 година, првопријавениот Р.П. на второпријавениот му продал опојна дрога марихуана по цена од 100 евра која понатака била наменета за продажба  на лицата Г.П. и К.Г. од Охрид како и на други  локални наркозависници. Извесна количина била наменета за бесплатно користење на однапред планирана забава.

По извршен претрес во домот на третопријавениот, пронајдена е друга помала количина опојна дрога марихуана како и повеке семки од растението канабис сатива.

Пронајдената опојна дрога марихуана е одземена и предадена на вештачење во МВР на РМ.

ohridnews