На 03.04.2025 СВР Охрид до ОЈО Охрид поднесе кривична пријава против 49 годишно лице од Охрид, поради сомнение дека сторил кривични дела – „противправно лишување од слобода“ по чл.140 ст.1, и „изнуда“ по чл.258 ст.1 од КЗ на РСМ.
Пријавениот на 31.03.2025 година околу 21,00 часот отишол во домот на оштетениот во Охрид, влегол во станот, извадил пиштол и почнал да му упатува закани и го држел се до 06 часот на 01.04.2025. Потоа побарал од оштетениот да му го преведе во сопственост возилото „фолксваген“ и да го вработи во неговата фирма за плата од 40 000 денари. Пријавениот е лишен од слобода и со него е извршен разговор во присуство на бранител. Одредена му е мерка притвор во траење од 30 дена, информираат од СВР Охрид.
Извршен е, посочуваат од СВР Охрид, претрес во домот на пријавениот, помошни простории и возило кои ги користи пријавениот, во домот на неговата сопруга и во домот на оштетениот, при што пронајдени се и одземени предмети поврзани со кривичните дела.
OhridNews
