Кривична пријава за поранешен директор на Заводот за кардиологија и членови на комијата за јавни набавки

СВР Охрид поднесе кривична пријава против поранешен директор на ЈЗУ „Завод за превенција, лекување и рехабилитација на кардиоваскуларни заболувања „Св Стефан“ Охрид во 2004 година, финансиски директор на истата ЈЗУ и претседател на Комисија за јавни набавки, и против двајца членови  на комисијата за сторено кривично дело „злоупотреба на службената положба и овластување“. 

Во текот на 2004 година, пријавените решавјаќи по распишан отворен повик од страна на ЈЗУ за реконструкција на Оддел во установата, незаконски  ја избрале понудата на фирма од Охрид која ја изработила тендерската документација и несмеела да биде рангирана ниту избрана, овозможувајќи да се стекне со противправна имотна корист од 33.119.907 денари. Исто така, поранешниот директор на установата во 2004 година за  изградба на новиот дел на болницата наместо да распише нов тендер, со охридската фирма усмено се договорил одобрените парични средства од Фондот за здравствено осигурување да ги зголеми за износ од 1.431.647денари, за која сума го оштетил Фондот.-соопшти МВР.