Поради основано сомнение дека е сторител на кривично дело „Насилствo“ СВР Охрид до Основното Јавно обвинителство во Охрид, поднесе кривична пријава против лицето А.Н. роден 1980 година од Охрид.

Пријавениот, на ден 04.11.2008 година во 12 часот и 30 минути, во кафе барот “Галерија“во Охрид, физички го нападнал лицето С.С. роден 1966 година од Охрид, удирајќи го со раце во пределот на главата и нанесувајќи му видливи телесни повреди.

Пријавениот, најнапред вербално го нападнал оштетеното лице по што му задал неколку удари во пределот на левата слепоочница. Истиот, успеал да се оттргне од напаѓачот и случајот да го пријави во СВР Охрид од каде по преземените мерки, напаѓачот е пронајден и лишен од слобода.

извор: СВР Охрид

Ohridnews