По неколкуте кражби на вредни никони во струшко и охридско во изминатиот период на иницијатива на Секторот за внатрешни работи Охрид, претпладнево во црковните простории на Дебарско-кичевската епархија во Охрид беше одржан работен состанок на кој била разгледана безбедносната состојба на културно историското наследство. На состанокот, кој беше затворен за јавноста,  покрај претставници на СВР Охрид, беа присутни парохиски свештеници предводени од Митрополотот  Тимотеј, повеќе членови на црковните одбори од подрачјето на општина Охрид како и претставници на Заводот и музеј на град Охрид.


 
Средбата е иницирана со цел договарање на превентивни мерки за спречување на појава на кривичните дела кражби од црквите и другите верски објекти, информитраат од СВР Охрид.

Според податоците на СВР Охрид  во изминатите девет месеци од црквите во охридско украдени бил еден крст од 40 цм. пари и други поситни и не толку значајни предмети. Од страна на полицијата, откриени се извршителите на кражбите во црквите „Св.Петка“ и „Св.Климент“ во Велгошти и против нив е поднесена кривична пријава. Службата презема оперативни мерки за реализација на останатите кривични дела, велат од СВР Охрид.


На средбата акцентот бил ставен на неопходноста од превентивни мерки  но и елиминирање на опасностите од пожари. За таа цел со црковните одбори ке бидат реализирани одвоени средби со конкретни задачи и насоки за постапувања во вакви случаи. Исто така била нагласена потребата од зголемена комуникација со граѓаните и верниците за брзо пријавување на кражбите.

Ohridnews