Причина за пожарот што избувна во Бигорскиот манастир пред 10 месеци е краток спој на електричната инсталација, се наведува во извештајот од истрагата кој е комплетно завршен и предаден на Основното јавно обвинителство во Гостивар, кое според најавите нема да покрене обвинение за пожарот во кој изгоре горниот палат во кој имаше кујна, трпезарии, библиотека и живеалишта на монасите.
Експертизата утврдила дека огнот се појавил во потпокривот на манастирската кујна, а како причина за тоа се наведува краток спој на проводници на електричната инсталација која е поставена во 1994 година. Искрењето од краткиот спој најверојатно го предизвикало и потпалувањето на дрвената конструкција, на манастирот.-соопшти обвинителството.
Оттаму објаснуват дека обвинение нема да биде покренато бидејќи пожарот е сплет на повеќе околности, и дека со затварањето на предметот, отфрлени се сите шпекулации за подметнување и наводни мотиви за предизвикување на пожарот.
Ohridnews
