Шпанскиот тренер Рафаел Бенитез наскоро би можел да го напушти фудбалскиот клуб Ливерпул, по шест минати сезони, пишуваат денеска британските медиуми.Бенитез наводно преговарал со управата на Ливерпул за отштета од три милиони фунти (3,6 милиони евра), која би му била исплатена доколку веднаш замине од клубот.


 

Доколку Ливерпул се реши да го отпушти Бенитез без претходен договор ќе треба да му исплати 16 милиони фунти (19 милиони евра), бидејќи ви март Шпанецот потпиша нов петгодишен договор. Медиумите шпекулираат дека Бенитез ќе  го наследи Мурињо на тренерската клупа на Интер.

Раководството на Ливерпул одби да ги коментира медиумските шпекулации, иако сите водечки британски медиуми пишуваат дека ерата на Бенитез во Ливерпул завршува. Бенитез во 2005 година со Ливерпул ја освои Лигата на шампиони, но ниту еднаш во изминатите шест години не беше прв во Англија, а годинава тимот заврши на разочарувачкото седмо место.

Како можни кандидати за нов тренер на Ливерпул се спомнуваат  Холанѓаните Гус Худик и Мартин Јол.

“Извор Макфакс“
Ohridnews