Челните луѓе на европскиот ракомет се задоволни од она што го видоа при посетата на Македонија, преземена со цел да се утврди динамиката на работите околу организацијата на Европското првенство што од 2 до 14 Декември ќе се одржи во Македонија. Претседателот на РФМ, Трифун Костовски, при дводневната посета на првите луѓе на ЕХФ, норвежанецот Тор Лиан и генералниот секретар Михаел Видерер, уште еднаш побара извршување на потребните корекции во салата „Билјанини извори“.
– Во Охрид ништо не се случува. Апелирам до централната и до локалната власт да се решат проблемите околу салата во Охрид. Ова првенство ги надминува сите локални или партиски интереси, зашто е многу важно за целата земја. Салата мора да биде подготвена навреме. Ова ЕП е нешто најубаво што ни се случило во овие особено тешки и неизвесни времиња. Нема поубав начин да докажеме дека припаѓаме во Европа, од добра организација на едно вакво првенство – смета Костовски
Последната инспекција од ЕХФ ќе биде направена во половината на мај. Ждрепката за групите за Европското првенство ќе се одржи на 20 јули во Охрид. Терминот е така темпиран за да се избегне ЕП во фудбал и да биде во моменти кога јавноста не е преокупурана со други спортски настани.
ohridnews
