Отсекогаш ме интересирало што би мотивирало некого да фрли корпа за отпадоци во вода?! Пијанство? Негрижа? Грижа? Беснотилак? Што им е крива корпата? А на кејот во Охрид тоа е скоро секојдневна „работа“. И тоа години наназад. Малку малку па некоја ќе се најде во плиткото. Водата ги крши сончевите зраци и понекогаш изгледаат како амфори, од потонат едреник.


Пак во вода. Грда слика за минувачи…


…и капачи

Ахмед и Фикрие се братучеди што секој ден тука се капат (живеат блиску) бидејќи и кејот е некој вид плажа. Ги прашувам „сериозно“ дали виделе кој ја фрлил корпата во вода?! – Не чичко, ама ако видиме одма ќе ти кажиме, покажуваат завидно ниво на еколошка свест. Потоа почнуваат да демонстрираат скокови во вода.

Во тек е нашата еко-акција „Да ги заштитиме плажите од цврст отпад“. За Кејот може да преформулираме – Да ги заштитиме корпите за отпад од ЦВРСТ ЧОВЕЧКИ ОТПАД.


текст и фотографии:
     Спаско Костоски