Гранки и остатоци од дрвја се натрупуваат на вливот на реката Сатеска во Охридското Езеро. Веќе извесен период со механизација се уредува течението на реката Сатеска, но нејасно е дали природниот отпад на вливот во езерото е последица на акцијата за чистење на коритото, или се работи за отпад од нелегална сеча, или пак за нешто друго. Покрај дрва, Сатеска носи и големи количини песок кој се таложи на вливот во езерото каде е формиран полуостров. И покрај реакциите на екологистите и медиумите, надлежните институции го игнорираат проблемот на вливот од реката Сатеска во Охридското Езеро.
Полуостров од песок и гранки на вливот на Сатеска во Охридското Езеро
OhridNews
