Сите правни и физички лица кои сакаат да закупат плажа на Струшкото крајбрежје од  Охридското Езеро, од денес па се до 3- ти мај  ќе можат да аплицираат за јавното надавање на плажите, кое вчера го објави Министерството за Транспорт и врски.

На понудата на Јавниот оглас се 12 плажи од Струшкото крајбрежје:

1.    Плажата пред Ресторан “Аквариус” со површина од 4910метри квадратни

2.    Плажата пред Ресторан “Конак” со површина од 6000 метри квадратни

3.    “Женска плажа” со површина од 8099 метри квадратни

4.    “Машка плажа” со површина од 10725 метри квадратни

5.    Плажата до летувалиштето на Црвен Крст со површина од 9996 метри квадратни

6.    Плажата кај “Стара Стружанка” со површин аод  7305 метри квадратни

7.    Плажата пред Хотел “Галеб” со површина 4700 метри квадратни

8.    Плажата пред Центар за дијализа со површина од  1541 метар квадратен

9.    Плажата помеѓу Центар за дијализа и Хотел “Мираж” со површина од 3064 метри квадратни

10.    Плажата пред Хотелот “Мираж” со површина од 1781 метар квадратен

11.    Плажата помеѓу Хотелот “Мираж” до Ресторан “Матадор” со површина од 1322 метри квадратни

12.    Плажата пред Ресторан “Матадор” со површина од 3100 метри квадратни.

Почетната цена за закуп по метар квадратен е 55 денари. Според Јавниот оглас, закупецот кој ќе стопанисува со плажите е должен да овозможи слободен влез за посетителите односно  да не се наплаќа надоместок за плажата, да набави фискална каса, постојната и планираната песочна површина да ја уреди во соодветна градежна рамка, да има спасувачла служба.

OhridNews